சிஎஸ்கே-வை வறுத்தெடுத்த அஷ்வின்! பவர்-பிளேயிலேயே மேட்சை கோட்டை விட்டுட்டீங்க! ஐபிஎல் 2026 தொடரில் சென்னை சூப்பர் கிங்ஸ் அணி சந்தித்து வரும் தொடர் சறுக்கல்கள் குறித்து இந்திய அணியின் நட்சத்திர சுழற்பந்து வீச்சாளர் ரவிச்சந்திரன் அஷ்வின் தனது எக்ஸ் (X) தளம் மற்றும் யூடியூப் பக்கத்தில் மிகக் கடுமையான விமர்சனங்களை முன்வைத்துள்ளார். சிஎஸ்கே அணியின் பேட்டிங் அணுகுமுறை மற்றும் இம்பாக்ட் பிளேயர் உத்தியை அவர் “தர்க்கத்திற்கு அப்பாற்பட்டது” எனச் சாடியுள்ளார்.
ஏற்கனவே வீரேந்தர் சேவாக் போன்ற ஜாம்பவான்கள் சிஎஸ்கே-வை விமர்சித்திருந்த நிலையில், அஷ்வினின் இந்தத் தொழில்நுட்ப ரீதியான விமர்சனம் கிரிக்கெட் வட்டாரத்தில் பெரும் அதிர்வலைகளை ஏற்படுத்தியுள்ளது.
2-வது ஓவரிலேயே இம்பாக்ட் பிளேயரா? லாஜிக்கே இல்ல!
நேற்றைய போட்டியில் வெறும் இரண்டு ஓவர்களிலேயே சர்பராஸ் கானை இம்பாக்ட் பிளேயராக உள்ளே கொண்டு வந்த சிஎஸ்கே நிர்வாகத்தின் முடிவை அஷ்வின் கடுமையாகச் சாடினார். “சிஎஸ்கே நிர்வாகத்தின் முடிவுகள் எனக்குப் புரியவே இல்லை. இவ்வளவு சீக்கிரமாக இம்பாக்ட் பிளேயரை பயன்படுத்துவது எந்த லாஜிக்கிலும் சேராது. ஒரு வீரரை விளையாட வைக்க வேண்டும் என்றால் அவரைத் தொடக்க வீரர்களிலேயே சேர்த்திருக்கலாமே?” என அவர் கேள்வி எழுப்பியுள்ளார்.
சிஎஸ்கே-வை வறுத்தெடுத்த அஷ்வின்! மூளையற்ற பேட்டிங் – அஷ்வின் காட்டம்
ஆடுகளத்தின் தன்மையைச் சரியாகக் கணிக்காமல் அதிரடி காட்ட முயன்று விக்கெட்டுகளை இழந்த சிஎஸ்கே பேட்ஸ்மேன்களை அஷ்வின் விளாசினார். “இந்த ஆடுகளத்தில் 150 முதல் 170 ரன்களே சவாலான இலக்கு. ஆனால், சிஎஸ்கே பேட்ஸ்மேன்கள் 250 ரன்கள் தேவைப்படுவது போல மூளையற்ற முறையில் (Brainless Batting) ஆடினர். பவர்-பிளேயிலேயே பாதி போட்டியைத் தோற்றுவிட்டீர்கள்,” எனத் தனது அதிருப்தியை வெளிப்படுத்தினார்.
பந்துவீச்சாளர் இல்லாமல் ஜெயிக்க முடியாது!
பேட்டிங்கை பலப்படுத்த ஒரு பந்துவீச்சாளரைத் தியாகம் செய்த உத்தி பிழையை அஷ்வின் சுட்டிக்காட்டினார். “சர்பராஸ் கானைக் கொண்டு வந்ததன் மூலம் ஒரு பந்துவீச்சாளரை அணி இழந்துவிட்டது. இப்போது உங்களிடம் போதுமான பந்துவீச்சு பலம் இல்லை. அனுபவம் வாய்ந்த ஒரு அணி இத்தகைய குளறுபடிகளைச் செய்வது வியப்பாக இருக்கிறது,” எனத் தெரிவித்தார்.
விராட் கோலி போன்ற ஜாம்பவான்கள் 9,000 ரன்களைக் கடந்து புதிய சரித்திரம் படைத்து வரும் வேளையில், சிஎஸ்கே போன்ற ஒரு பெரிய அணி இத்தகைய அடிப்படைத் தவறுகளைச் செய்வது ரசிகர்களிடையே பெரும் விவாதத்தை ஏற்படுத்தியுள்ளது.
KL Rahul century against Punjab Kings: ராகுல் ருத்ரதாண்டவம்! 47 பந்துகளில் மின்னல் வேக சதம்
